सरकारले मिटरब्याजबारे व्यक्त गरेको प्रतिबद्धताप्रति विश्वास छैन : संघर्ष समिति
काठमाडौँ- किसान मजदुर संघर्ष समितिले मिटरब्याज र ठगीबारे सरकारले व्यक्त गरेको प्रतिबद्धता प्रति विश्वास नभएको जनाएको छ ।
आइतबार विज्ञप्ति जारीगर्दै समितिले सरकारको प्रतिबद्धतामा आफूहरू सशंकित रहेको जनाएको हो ।
सरकारले यसअघि पनि पीडितसँग पटकपटक मिटरब्याजीलाई कारबाही गर्ने प्रतिबद्धता जनाएको भएपनि कारवाही नगरेकाले सरकारप्रति विश्वास गर्न नसकिने समितिको भनाइ छ ।
संघर्ष समितिले यही चैत २० गतेदेखि निर्णायक संघर्ष गर्ने तय गरेको पनि विज्ञप्तिमा उल्लेख गरिएको छ ।
