सर्वोच्चद्वारा सन्दीप लामिछानेलाई क्रिकेट खेल खेल्न विदेश जान अनुमति
काठमाडौं– सर्वोच्च अदालतले क्रिकेटर सन्दीप लामिछानेलाई क्रिकेट खेल खेल्न विदेश जान अनुमति दिएको छ ।
उच्च अदालतको आदेशविरुद्ध महान्यायाधिवक्ता कार्यालयले सर्वोच्चमा निवेदन दिएको थियो । त्यस्तै विदेश जान पाउने गरी लामिछानेले पनि सर्वोच्चमा निवेदन दिएका थिए ।
दुवै निवेदनमाथि सुनुवाइ गर्दै न्यायाधीशहरू सपना प्रधान मल्ल र कुमार चुडालको संयुक्त इजलासले लामिछानेलाई क्रिकेट खेल खेल्न विदेश जान पाउने अनुमति दिएको हो ।
