आफनै छोरीको हत्या गरेको अभियोगमा बुवा पक्राउ
रूपन्देही –कंचन गाउँपालिका-५ बर्गदवा बस्ने ४८ वर्षीय नारायण बहादुर घर्ती क्षेत्रीलाई आफ्नै छोरी १७ वर्षीया अञ्जली घर्ती क्षेत्रीको हत्या गरेको अभियोगमा बिहीबार बिहान प्रहरीले पक्राउ गरेको छ ।
नारायणले बुटवल उपमहानगरपालिका-४ लुम्बिनी स्थित मालिका होटल एण्ड लजमा अञ्जलीलाई फलामको रडले टाउकोमा प्रहार गर्दा मृत्यु भएको भन्ने खबर प्राप्त हुना साथ इलाका प्रहरी कार्यालय रुद्रपुरबाट खटिएको प्रहरीले उनलाई पक्राउ गरेको हो ।
नारायणले एक्कासी छोरीलाई फलामको रडले हान्नु पर्ने कारणबारे सम्बन्धमा प्रहरीले आवश्यक अनुसन्धान गरिरहेको छ ।
